WTA Finals. Ига Свёнтек юз фоизлик натижа билан 1/2 финалга чиқди

Дунёнинг иккинчи ракеткаси Ига Свёнтек гуруҳ босқичининг уччала учрашувида ҳам ғалаба қозониб, квартет ғолиби сифатида плей-оффга йўл олди. Польшалик теннисчи гуруҳнинг сўнгги ўйинида WTA рейтингида 7-поғонада бораётган тунислик Онс Жаберга ҳеч қандай имконият қолдирмай ғалаба қозонди - 6/1, 6/2.

Теннисчиларнинг ўзаро учрашувларидаги ҳисоб Ига фойдасига йириклашди - 5:2. Олтмиш тўққиз дақиқа давом этган баҳсда иккала теннис маликаси ҳам биттадан эйс зарбасини амалга оширди. Қўшхатоларга Онсда кўпроқ бўлди - 5 га 1. Брейклар эса худди шу кўринишда Свёнтек фойдасига ҳал бўлди.