WTA рейтинги. Теннис маликаларимиз мос равишда 14, 18 ва 22 поғонага юқорилашди

Бугун янгиланган рейтингда етакчи теннисчиларимиздан уч нафари юқорилашга муваффақ бўлган. Иккинчи ракеткамиз Полина Кудерметова 14, учинчи рақамли теннис маликамиз Мария Тимофеева 18, тўртинчи ракеткамиз Лайма Владсон рейтингда 22 поғонага кўтарилиб олган. Биринчи рақамли вакиламиз Камила Раҳимова эса 3 ўринга пастлаб, айни пайтда дунёнинг 76-ракеткаси бўлиб турибди. Қолган тўрт теннисчимиз ҳам рейтингда пастлашди. Влада Якшибарова 3, Милана Масленкова 3, Севиль Юлдашева 5, Диана Яковлева эса 9 поғонага қуйига шўнғиган.

Дунё теннисчиларининг Топ-10`талигида бир нечта ўзгариш кузатилди. Польшалик Ига Свёнтек учинчи ўринга кўтарилди, америкалик Коко Гофф эса аксинча, тўртинчи ўринга тушди.  Россиялик Мирра Андреева ва италиялик Жасмин Паолини ҳам ўзаро ўрин алмашиб олишди. Украиналик Элина Свитолина 7-ўриндан 10-поғонага тушди. Канадалик иқтидор эгаси Виктория Мбоко бир ўринга кўтарилди. Беларуслик Арина Соболенко ҳамон катта фарқ билан рейтинг пешқадами бўлиб турибди. 

WTA рейтинги. 4 май кунги ҳолат:

1 (1). Арина Соболенко (Беларусь) - 10 110

2 (2). Елена Рибакина (Қозоғистон) - 8555

3. (4) Ига Свёнтек (Польша) - 6948

4. (3) Коко Гофф (АҚШ) - 6749

5. (5) Жессика Пегула (АҚШ) - 6136

6. (6) Аманда Анисимова (АҚШ) - 5995

7. (8) Мирра Андреева (Россия) - 4181

8. (9) Жасмин Паолини (Италия) - 3722

9. (10) Виктория Мбоко (Канада) - 3531

10. (7) Элина Свитолина (Украина) - 3530

Ўзбекистонлик теннисчиларнинг WTA рейтингидаги ўрни:

73 (74). Камилла Раҳимова – 919

137 (139). Полина Кудерметова – 554

154 (153). Мария Тимофеева – 495

778 (771). Лайма Владсон – 43

1092 (1089). Влада Якшибарова – 15  

1112 (1115). Милана Масленкова – 14 

1164 (1185). Севиль Юлдашева – 12

1465 (1469). Диана Яковлева – 3