WTA рейтинги. Топ-10`да битта ўзгариш, Нигина ва Милана пастлади, Севил кўтарилди

Дунё теннис маликалари Топ-10`талигида битта ўзгариш кузатилди. Хитойлик Чжэн Циньвэнь ва чехиялик Маркета Вондроушова ўзаро жой алмашиб олишди. Қолган теннисчилар икки ҳафта аввалги ўз ўринларини сақлаб қолишди. Индиан-Уэллс турнирида чемпион бўлган польшалик Ига Свёнтек ҳамон катта фарқ билан рейтинг карвонбошиси бўлиб турибди. 

Янгиланган рейтингда уч нафар теннисчимизнинг иккисида пасайиш кузатилди. Мамлакатимизнинг биринчи ракеткаси Нигина Абдураимова 4, учинчи ракеткамиз Милан Масленкова 2 поғонага пастлади. Абдураимова WTA рейтингида роппа-роса 250-ўринни банд этган. Иккинчи ракеткамиз Севил Юлдашева эса 1 ўринга кўтарилди.   

WTA рейтинги. 18 март кунги ҳолат:

1. (1) Ига Свёнтек (Польша) - 10715 очко

2. (2) Арина Соболенко (Беларусь) - 8195

3. (3) Кори Гофф (АҚШ) - 7150

4. (4) Елена Рибакина (Қозоғистон) - 5848

5. (5) Жессика Пегула (АҚШ) - 5035

6. (6) Онс Жабер (Тунис) - 4118

7. (8) Чжэн Циньвэнь (Хитой) - 4050

8. (7) Маркета Вондроушова (Чехия) - 4015

9. (9) Мария Саккари (Греция) - 3825

10. (10) Елена Остапенко (Латвия) - 3493...

Ўзбекистонлик теннисчиларнинг WTA рейтингидаги ўрни:

250 (246). Нигина Абдураимова – 298

1093 (1094). Севил Йўлдошева – 12

1357 (1355). Милана Масленкова – 3