05 июн 08:44
Янгиликлар
Теннис
WTA рейтингида деярли 1000-ўринга яқинлашиб қолган Нигина Абдураимова W15 Tashkent турнирида иштирок этяпти
Шу кунларда пойтахтимизда ITF туркумига кирувчи W15 тоифасидаги турнир бўлиб ўтмоқда.
Мусобақада бир неча йиллар давомида Ўзбекистоннинг биринчи рақамли аёл теннисчиси бўлиб келган Нигина Абдураимова ҳам баҳсларга киришди.
30 ёшли ракетка устаси кеча асосий тўрнинг илк даврасида нейтрал мақомдаги 20 ёшли Дарья Зелинскаяга қарши кортга чиқди. Икки соату 45 дақиқа давом этган баҳсда Нигина 6/7, 6/3, 6/2 ҳисобларида ғолиб бўлди.
Таққослаш учун, айни пайтда Абдураимова WTA рейтингида 942, Зелинская эса 912-ўринни банд этиб турибди. Ҳамюртимиз бугун мусобақанинг 1/8 финалида ҳиндистонлик Ваишнави Адкарга (WTA 632) қарши кортга чиқади.
Бугун шунингдек, яна бир теннисчимиз Дарья Шубина ҳам ўзининг навбатдаги баҳсини ўтказади.
Ҳавола :
Манба : olamsport.com
Фикрлар