«Хаас» Шумахер билан ҳамкорликни тўхтатди

«Формула-1» бўйича Абу-Даби Гран-приси кичик Шумахер учун жамоадаги сўнги пойга бўлди.

«Мик Шумахерга сўнгги йилларда жамоа ривожига қўшган ҳиссаси учун миннатдорчилик билдирмоқчиман. Мик ўсмирлар ўртасидаги чемпионатларда муваффақият қозонди. Шундан сўнг бизнинг жамоамиз билан пойгачи сифатида ривожланди  ва бу мавсумда очколар борасида ҳам муваффақиятга эришди.

Гарчи биз турли йўлларни танлаган бўлсакда, бутун жамоа Микга келажакдаги фаолиятида омад тилайди», - деди «Хаас» бош мураббийи Гюнтер Штайнер.

«Хаас» тез орада «Формула-1»да ҳеч қачон шоҳсупага чиқа олмаган пойгачи 35 ёшли Нико Хюлькенберг билан шартнома имзолашини эълон қилиши кутилмоқда.

Мик Шумахер эса фаолиятини «Мерседес»да захира ҳайдовчиси сифатида давом эттириши мумкин.