Хабиб: "Бразилияга бориб, бразилиялик чемпионни бразил жиу-житсусида мағлуб этамиз"

"UFC жангнинг Бразилияда ўтказилишини айтса, бу бизга маъқул бўларди. Бразилияга бориб, бразилиялик чемпион билан жанг қилиш ва уни бразил жиу-житсусида мағлуб этиш... Бу менга ёқди. Бу ҳақда қандай фикрдасиз? Қийин бўладими?

Мен Исламнинг кураш эвазига ғалаба қозона олишига ишонаман. Энди сизлар Ислам туфайли мени қоралайсизлар, лекин бу кимга қизиқ?

Бир сафар Сан-Паулуда Тиаго Таварес билан жанг қилган эдим. Бу жуда қисқа жанг бўлган эди, ярим дақиқа, ва бум. Жангдан олдин ҳамма менинг ўлишимни айтган эди. Жангдан кейин эса ҳамма мен билан суратга тушди. Ислам ва Чарльз Оливейра билан ҳам шундай бўлади", - дея Хабибнинг сўзларини келтиради MMA Fighting.

Эслатиб ўтиш жоиз, Ислам Махачев сўнгги бор 27 февраль тонгида Бобби Гринга қарши жанг қилган эди.

Аввалроқ, Чарльз Оливейра Ислам Махачев ва Хабиб Нурмагомедовга мурожаат қилгани ҳақида хабар берган эдик.