03 авг 07:51
Янгиликлар
Бокс/ММА
Хабиб Нурмагомедов: "Гэтжига қарши жангга тайёргарлик аввалгиларидан фарқ қилмоқда" + ФОТО
Енгил вазнда россиялик UFC чемпиони Хабиб Нурмагомедов вақтинчалик чемпионлик камари соҳиби Жастин Гэтжига қарши кечаётган тайёргарлик ҳақида гапирди.
Бир ой аввал отасидан айрилган Хабиб бу галги машғулотлар аввалги жангларга олиб борилган тайёргарликдан кескин фарқ қилишини таъкидлади ва бу ҳақида Инстаграм саҳифасига суратли хабар ҳам жойлади.
"Машғулотлар жуда ҳам қийин кечади. Сентябрь ойидан Хавьер Мендес билан биргаликда шуғулланишни бошлаймиз. Гэтжига қарши кечадиган жангга олиб бориладиган машғулотлар аввалгиларидан кескин фарқ қилади", — дея пост қолдирган Нурмагомедов.
Эслатиб ўтамиз, 31 ёшли Хабиб Нурмагомедовнинг фаолиятидаги 29-жанги 24 октябрь куни америкалик Жастин Гэтжига қарши ўтказилади. Гэтжи шу йилнинг май ойида Тони Фергюсонни мағлубиятга учратиб, чемпионлик жангида октагонга чиқиш имкониятини қўлга киритганди.
Ҳавола :
Фикрлар