Хабиб Нурмагомедов Порьенинг кучли томонларига тўхталди

Ҳақиқий чемпион ва вақтинчалик чемпионнинг илк учрашуви ҳамда матбуот анжумани Буюк Британиянинг Лондон шаҳрида бўлиб ўтди. 

“Шубҳасиз, Порье жуда тажрибали жангчи. Унинг ҳисобида UFCда ўтказилган 20тадан ортиқ жанги бор. Ғалаба ҳам қозонган, мағлуб ҳам бўлган. Буларнинг бари тажриба. Мен уни ҳам олийжаноб, тарбияли инсон, ҳам яхши спортчи сифатида ҳурмат қиламан. Дастин кучли рақибларни мағлуб эта олган. 

Хусусан, у сўнгги жангидаги ҳаракатлари билан мени хайратда қолдирди. Унинг айниқса, боксни яхшигина ўзлаштириб олгани мен учун янгилик бўлди. Октагонда жуда енгил ҳаракат қилди. У бежизга вақтинчалик чемпион бўлмади ахир. Макс Холлоуэй ва бошқа собиқ жаҳон чемпионларини мағлуб этди. Менда эса катта ўзгаришлар бўлмади. Қафас ёпилдими, бўлди, ҳамма нарсани унутаман”, - деди Нурмагомедов Лондонда ўтган UFC 242 турнирига бағишланган матбуот анжуманида.