11 янв 15:46
Янгиликлар

Бокс/ММА

Хабиб Нурмагомедов собиқ рақиблари билан нега дўстлашмаслигини айтди

UFC шон-шуҳрат залининг 37 ёшли аъзоси, енгил вазнда собиқ UFC чемпиони собиқ рақиблари билан дўстона муносабатлар ўрнатиш ҳақида ҳеч қачон ўйламаганини маълум қилди.

"Йўқ, биз одобли бўлишимиз керак. Лекин бундан ҳеч қачон дўстлик чиқмайди. Агар бу йигитлар юзингга урмоқчи бўлса, у билан қандай дўстлашасан? Бу бутунлай бошқа нарса", - дея Нурмагомедовнинг сўзларини келтиради Sportskeeda портали.

Маълумот учун, "бургут" сўнгги жангини 2020 йил 24 октябрь куни Абу-Даби (БАА) яқинидаги Яс оролида бўлиб ўтган UFC 254 турнирида ўтказганди. Ўшанда у енгил вазн тоифасида UFC вақтинчалик чемпиони америкалик Жастин Гэтжини иккинчи раундда бўғиш усули билан мағлуб этган эди. Нурмагомедов учун бу фаолиятидаги 29-ғалаба бўлганди. Жангдан сўнг Хабиб аралаш яккакурашлардаги фаолиятини якунлашини эълон қилган.