Хабиб Нурмагомедов: "Тасодифан жангчига айландим"

"Мен бутун умрим давомида футбол томоша қилдим ва бу спорт турини жуда яхши кўраман - мен учун у ҳали ҳам биринчи рақамли. Болалигимда доим футболчи бўлишни орзу қилардим, кейин эса тасодифан жангчи бўлиб қолдим. Бунақаси баъзан бўлиб туради, тушуняпсизми? Мен қаерда туғилганман, қаерда ўсганман, отам мураббий бўлган ва мен, албатта, "тасодифан" деб ҳазиллашаман, лекин қалбимда доим футбол бўлган", - деди енгилмас россиялик жангчи Дубайда бўлиб ўтган жаҳон спорт саммитида инглиз футболи юлдузи Рио Фердинанд билан суҳбатда.

2020 йилда россиялик афсонавий мураббий Абдулманап Нурмагомедов вафот этганидан сўнг, Хабиб Нурмагомедов отасининг ишини давом эттирди. У жамоани бошқариб, дўсти ва спарринг шериги Ислам Махачевни UFC`нинг икки дивизионида чемпионликка, Усман Нурмагомедовни Bellator ва PFL чемпионлигига олиб келди.