14 май 11:32
Янгиликлар

Бокс/ММА

Хабиб Нурмагомедовнинг отасига ташхис қўйилди

Хабарингиз бор, UFC чемпиони Хабиб Нурмагомедовнинг отаси, ҳам мураббийи Абдулманап Нурмагомедов кома ҳолатидан чиққан эди.

Mash телеграм-каналининг хабар беришича, шифокорлар катта Нурмагомедовга ташхис қўйишган. Хабарда айтилишича, 57 ёшли мураббийнинг шамоллаши кучайиб, кучли пневмонияга айланган. Томирларида қон қуюлиб, тромбга айланган. Гипертоник криз эса инсульт, яъни мияга қон қуюлишига олиб келган.

Гарчи Абдулманап Нурмагомедов кома ҳолатидан чиққан бўлса-да, унинг ҳозирги ҳолати оғир дея ҳисобланмоқда. 25 апрель куни шамоллаш ташхиси билан Доғистондаги касалхоналарнинг бирига жойлаштирилган мураббий 3 май куни ҳолати жиддийлашганидан сўнг Москвага етказилган эди.