Хабиб отасини кўриш учун Москвага борди

Бу ҳақида Fight Nights Global промоушени президенти Камил Гажиев хабар берди. Мана бир неча кундирки, 57 ёшли Абдулманап Нурмагомедов коронавирус сабабли Москвадаги госпиталда даволанмоқда. 

"Вазиятнинг тўлиқ деталларигача билмайман. Лекин Абдулманапнинг соғлиғида ижобий ўзгаришлар кузатилмоқда. Хабибнинг ўзи ҳам отасини шахсан кўриш учун Москвага борган. Ҳозир у қаерда билмайман. Балки, ҳали ҳам ўша ердадир", — дея Гажиевнинг сўзларини келтирмоқда Sport24.

Эслатиб ўтамиз, аввалроқ Хабиб Нурмагомедовнинг менежери Али Абдул-Азиз катта Нурмагомедов кўзини очгани ва аввалгидан ўзини яхши хис қилаётганини айтган эди. Хабибнинг отаси 3 май куни Москвадаги госпиталга олиб келинганди.