Хабиб Порье уни бўғиб ўлдирмоқчи бўлганида нима ҳақида ўйлаганини айтди

«Порье билан жангимдан аввал отамни асабий ҳолда кўрдим. Бу 2019 йилда бўлаётганди, у мени сўнгги марта жангга тайёрлаганидан буён кўп вақт ўтди. У менга режага амал қилишни ва диққатимни жамлашни маслаҳат берди. Жанг пайтида мен уни жуда яқиндан кўрдим. Порье мени бўғаётганда, отам буни рўпарамизда кузатар эди. Порьени ақлдан озган деб ўйладим, у ҳақиқатан ҳам мени отасининг кўз ўнгида мағлубиятни тан олади деб ўйладими?   

Айтганча, жангдан олдин кийиниш хонасида Ислам Махачевга Порье «Гилётин» усулини ёқтиришини айтдим. Кейин унга бўйнимни бериб чарчатаман дедим. «Гилётин» — анча куч сарфлайдиган усул», — деди Нурмагомедов Мичиган штати Miftaah университетидаги тадбир давомида.