10 авг 09:44
Янгиликлар

Бокс/ММА

Хабиб телефонда камроқ вақт ўтказишни маслаҳат беряпти

UFC`нинг енгил вазн тоифасидаги собиқ чемпиони Хабиб Нурмагомедов одамларга телефонда ва ижтимоий тармоқларда камроқ вақт ўтказиб, реал ишларга эътибор қаратишни маслаҳат берди.

"Мен одамларга телефонда камроқ вақт ўтказишни маслаҳат берган бўлардим. Назаримда, бугунги кунда кўпчилик унда жуда кўп вақт — кунига олти-етти соат ўтказмоқда. Ўйлайманки, шунчаки телефонни четга суриб, ўз ишларингиз билан шуғулланиш керак. Ҳаётда нима билан шуғулланишингиз керак бўлса, айнан ўша нарса билан. Ижтимоий тармоқларда камроқ ўтиринг. Агар у ерда вақт ўтказмоқчи бўлсангиз, майли, ҳеч бўлмаганда бир соат ўтказинг, лекин кунига етти-саккиз соат эмас", — деди Нурмагомедов ижтимоий тармоқдаги "khann_journey" аккаунтида эълон қилинган видеода.