"Хабиб UFC’нинг учта дивизионини тозалаши мумкин эди" - Хавьер Мендес

"Хабиб ва унинг отаси орасидаги суҳбатлар рус тилида бўларди, менга таржима қилиб беришарди. Отаси доим у енгил вазнда жанг қилишини истарди. У ерда ҳаммаси яхши кетди. Агар қандайдир катта режа бўлган бўлса, у фақат GSP билан ном учун бўлган жанг эди. Унинг отаси Хабиб ва Жорж Сент-Пьер ўртасидаги жангни орзу қилган.

Мен эса, 2012 йилдан бери Хабибнинг мураббийи сифатида ишонч билан айта оламанки, у енгил вазнни ютиб, кейин ярим ўрта ва ҳатто ўрта вазн тоифасида ҳам чемпион бўлишга қодир эди. Мен бунга ишонаман. Кузатган тажрибаларимдан келиб чиқиб, у учта дивизионни “тозалаб ташлашга” қодир эди. У қандай ривожланганини, қандай ўсганини ўз кўзим билан кўрганман", – деди Мендес.