10 мар 13:01
Янгиликлар

Бокс/ММА

Хабибга тегишли Eagle FC оғир вазнда собиқ UFC чемпионини сафига қўшиб олди + ФОТО

Хабиб Нурмагомедовнинг Eagle FC промоушени ўз сафини таниқли жангчилар билан тўлдиришда давом этмоқда.

Бу сафар ташкилот оғир вазнда собиқ UFC чемпиони Жуниор Дос Сантос билан шартнома имзолади. Сантос навбатдаги жангини Россиянинг Eagle FC байроғи остида ўтказади. Бразилияликнинг рақиби яна бир собиқ UFC жангчиси Йорган Де Кастро бўлади.

Дос Сантос - Де Кастро жанги 20 май куни АҚШнинг Майами шаҳрида ташкил этиладиган турнир доирасида ўтказилади. 38 ёшли Жуниор Дос Сантос ўтган йилнинг март ойида кетма-кет тўртта мағлубиятни қабул қилиб олганидан сўнг UFC томонидан ҳайдалганди.

Сўнгги жангида Сирил Ганга ютқазганди. Охирги ғалабасини 2019 йилнинг март ойида нишонлаган экан. Ўшанда у иккинчи раундда Деррик Льюисни нокаутга учратган эди. 35 ёшли Кабо-Верде вакили Йорган Де Кастро ҳам ўтган йили кетма-кет учта мағлубияти учун UFC`дан четлатилганди.