Хабибга тегишли Eagle FC промоушени собиқ UFC чемпиони билан шартнома имзолади

Америкалик 42 ёшли Рашад фаолиятини қайта тиклашга қарор қилди. У 2022 йилнинг 28 январь куни "қафас"га қайтади. Рашаднинг ҳозирча Хабиб лигаси дебют жангидаги рақиби маълум эмас. 

Аввалроқ, Нурмагомедовнинг ўзи 2022 йилда промоушен АҚШда ММА оқшоми ўтказилишини маълум қилганди. Катта эҳтимол билан ушбу турнир Флорида штатининг Майами шаҳрида бўлиб ўтади. Унинг кардида айнан Эванс октагонга кўтарилади. 

Эслатиб ўтамиз, Рашад сўнгги бор 2018 йилнинг июнь ойида жанг ўтказган ва ўшанда Энтони Смитдан қақшатқич нокаут қабул қилиб олганди. Бу унинг фаолиятидаги кетма-кет бешинчи мағлубияти бўлган эди. Ўшандан кейин у фаолиятини якунлаганини эълон қилганди. Рашад Эванс фаолияти мобайнида Майкл Биспинг, Тито Ортис, Чак Лидделл, Куинтон Жексон каби машҳур жангчиларни мағлубиятга учратган.