19 ноя 08:46
Янгиликлар

Бокс/ММА

Хабибнинг амакиси: Унинг фаолиятини якунлашига қаршиман

UFC чемпиони Хабиб Нурмагомедовнинг амакиси Нурмагомед Нурмагомедов жиянининг фаолиятини якунлашига қарши эканини маълум қилди.

Катта Нурмагомедов Хабиб кун келиб, ўз қарорини ўзгартиришига умид қилмоқда.

"Хабибнинг фаолиятини якунлашига қатъий қаршиман. Унинг яқинлари орасида бу қарорга қарши чиққан ягона инсон мен бўлсам керак. Лекин Хабиб мустақил киши. Қарорларни ўзи қабул қилади. У жанг қилиши лозим. Профессионал спортчи ва собиқ мураббий сифатида шуни айтишим керак-ки, у нафақат битта, балки бир нечта жанг ўтказиши керак. Хабибнинг қарорига фақат унинг онаси ўзгартира олади", — деди Нурмагомед Нурмагомедов.

Эслатиб ўтамиз, 32 ёшли Нурмагомедов UFC 254 турнирининг марказий жангида Жастин Гэтжини мағлуб этганидан сўнг фаолиятини якунлаганини эълон қилганди. Унинг рекорди 29-0!