18 дек 12:00
Янгиликлар

Бокс/ММА

Хабибнинг жамоадоши PFL чемпиони Мовлид Хайбулаев допинг сабаб бир йилга четлатилди

Россиялик 35 ёшли аралаш яккакураш устаси, ярим енгил вазнда PFL чемпиони Мовлид Хайбулаев допинг-тест синовидан ўта олмагани учун бир йилга дисквалификация қилинди, деб хабар берди USADA.

Хайбулаевда рекомбинант эритропоэтин (рЕПО) тести мусбат натижа берган. Намуна 2025 йил 1 август куни PFL турнири финалида олинган.

Амалдаги PFL ADP қоидаларининг 10.2-бандига кўра, тақиқланган моддаларни истеъмол қилганлик учун дисквалификациянинг стандарт муддати олти ойни ташкил этади. Аммо баъзи ҳолларда бир йилгача узайтирилиши мумкин. Ушбу ҳолатда Хайбулаев модданинг табиати ва ижобий тест ўтказиш вақти туфайли максимал бир йиллик дисквалификация муддатига эга бўлди.

Мовлид Хайбулаевнинг бир йиллик дисквалификация муддати ундан ижобий намуна олинган кун - 2025 йил 1 августда бошланган. Айнан 2025 йил 2 августга ўтар кечаси Мовлид чемпионлик камарини қўлга киритганди. Мовлид Хабиб Нурмагомедовнинг жамоадоши ҳисобланади.