23 авг 15:25
Янгиликлар
Теннис
Хабибулина бир теннисчини бир ҳафтада икки бор мағлуб этди
Ҳозиргина тажрибали теннисчимиз Албина Хабибулина Голландиянинг Роттердам шаҳрида ўтказилаётган турнирдаги иккинчи учрашувида кортга чиқди.
“Фьючерс” туркумига кирувчи ушбу турнирнинг соврин жамғармаси 15 000 долларни ташкил қилади. Ҳамюртимиз асосий тўрнинг илк даврасида германиялик Яна Мордергер билан тўқнаш келди.
Ўтган ҳафта Голландиянинг Олдензаал шаҳрида ўтган турнир доирасида ҳам бу икки теннисчи ўзаро учрашишган ва унда Хабибулина рейтингда ўзидан анча юқорида турувчи рақибасини мағлубиятга учратган эди.
Бу сафар ҳам
ҳамюртимизнинг қўли баланд келди. Икки соату 4 дақиқа давом этган баҳсда Албина
2:6, 6:1, 6:3 ҳисобида зафар қучиб, иккинчи даврага йўлланма олди.
Ҳавола :
Манба : olamsport.com
Фикрлар