Халқаро кураш ассоциацияси президенти Тошкентга етиб келди

Мазкур турнир муносабати билан юртимизга кўплаб хорижий меҳмонлар ташриф буюришмоқда. Шу кунга қадар 30га яқин мамлакатдан юздан ортиқ спортчи, мураббий ва ҳакамлар кутиб олинди Термиз шаҳрига етиб боришди.

Юртимизга меҳмонларнинг келиши давом этмоқда. Кеча Халқаро кураш ассоциацияси (ХКА) президенти, Осиё Олимпия кенгашининг Осиё ўйинларини ташкил қилиш департаменти директори Ҳайдар Фармон юртимизга ташриф буюрди. Мартабали меҳмонни Жисмоний тарбия ва спорт вазирининг биринчи ўринбосари Равшан Ирматов ва МОҚ Бош котиби Ойбек Касимовлар кутиб олишди.

Шунингдек, Халқаро кураш ассоциациясида оммавий ахборот воситалари ходимларини қизиқтирган саволларга жавоб берди.

Шундан сўнг, спорт мутасаддилари пойтахтимизда жойлашган ХКА биносига боришди. У ерда ХКА президенти кураш ривожи йўлида олиб борилаётган ишлар билан яқиндан танишди.

Мартабали меҳмон эртага Ал-Ҳаким Ат-Термизий хотирасига бағишланган турнирни кузатиш учун Термиз шаҳрига боради. Ташриф давомида Республикамиз ҳукумати ва спорт соҳасининг расмий вакиллари билан ҳам учрашувлар белгиланган. Унда курашни нафақат юртимиз, балки бутун дунёдаги ривожини янада кучайтириш, «Тошкент-2025» ёшлар Осиё ўйинларини юқори савияда ўтказиш, ёзги Осиё ўйинлари дастурига ушбу спорт турининг яна бир қатор вазн тоифаларини қўшиш каби режалар кўриб чиқилади.