Хамзат Чимаев онасига фаолиятини тугатиш ҳақида ваъда берган

UFC жангчиси Ҳамзат Чимаев вазн тоифасидан қатъи назар, дунёнинг энг яхши жангчилари рейтингида етакчига айланганидан сўнг, Хабиб Нурмагомедов йўлидан боришни ва профессионал фаолиятини якунлашни режалаштирмоқда.

"Онам ҳар бир ғалаба қозонган жангимдан кейин мени чемпион бўлади деб ўйлайди. Мен унга ҳақиқий чемпион бўлишим биланоқ фаолиятимни тугатишга ваъда бергандим. Шундай қилиб, менинг мақсадим - дунёдаги биринчи рақамли P4P бўлиш ва кейин мен нафақага чиқаман", - деди Чимаев.

Аввалроқ, Хамзат ташкилот тарихидаги учта вазн тоифасида чемпионликни қўлга киритган биринчи жангчи бўлишни кутаётганини бир неча бор айтган эди.