Хамзат Чимаев UFC президентининг ваъдасини ошкор қилди

UFC президенти Дана Уайт чечен жангчиси билан ўзаро суҳбатида Гилберт Бернс устидан ғалаба қозонган тақдирда Хамзат Чимаев ярим ўрта вазнда UFC чемпионлик камари учун навбатдаги даъвогарга айланиши мумкинлигини айтган.

«Мен бор эътиборимни бўлажак жанг ва келажагимга қаратганман», - деди Чимаев ўз видеоблогининг навбатдаги сонида. 

«Яқинда биз Дана Уайт билан кечки овқат қилдик ва мен ундан бу йигитни мағлуб этсам, мени нима кутаётгани ҳақида сўрадим ва у жавоб берди - балки чемпионлик жанги. Унинг айтишича, агар мен уни бошқа барча рақибларим каби осонлик билан мағлубиятга учратсам, одамлар мени чемпионлик жангида кўришни хоҳлашади. 

«Балки мен сенга имконият берарман» деб айтди у менга», - деди Чимаев.