Ханчжоу-2022 Осиё ўйинларининг махсус телеканали ишга туширилди

Осиё ўйинлари канали Ханчжоу телевидение гуруҳи билан ҳамкорликда ташкил этилди. Ханчжоу шаҳри мери ва HAGOC Бош котибининг ўринбосари Чен Вейся ушбу ҳодиса ҳақида шундай дейди: 

«Умид қиламизки, бу воқелик шаҳримизда ўтажак 2022 йилги Ёзги Осиё ўйинларига пухта тайёргарлик кўришимиз,шунингдек, Ханчжоуни Осиё ўйинлари бренди бўлиши ва унинг обрўсини тарғиб этишга хизмат қилади». 

Мазкур телеканал Чжесзян ва Ханчжоу провинцияларининг маданияти ва урф-одатлари каби маълумотларни тарқатади. Бундан ташқари шу йилдан бошлаб бутун Хитой бўйича асосий спорт каналлари билан ҳамкорликда интерфаол платформани шакллантириш режалаштирилган. Унда шаҳарнинг ривожланиши ва Осиё ўйинларига тайёргарликнинг бориши тўғрисида мавзули дастурлар, қисқа видеофильмлар ҳамда шу ҳақида ҳужжатли фильмлар тақдим этилади. 

Ханчжоу Осиё ўйинларига мезбонлик қиладиган Хитойнинг учинчи шаҳридир. Шу кунгача 1990 йилда Пекин ва 2010 йил Гуанчжоуда Осиё ўйинлари ўтказилган. Эслатиб ўтамиз, Ханчжоу-2022 ўша йилнинг ўзида 10-25 сентябрда ўтказилиши режалаштирилган.