Хатирчи туман БЎСМ фаолияти билан яқиндан танишамиз

Навоий вилояти Хатирчи тумани болалар-ўсмирлар спорт мактаби 1976 йил ташкил топган бўлиб, Ўзбекистон Республикаси Вазирлар Маҳкамасининг 2015 йил 11 декабрдаги 356-сонли қарори ижросини таъминлаш мақсадида тумандаги 3-сонли БЎСМ, 4-сонли БЎСМ, 10-сонли БЎСМлар мақбуллаштирилиб, Хатирчи туман болалар-ўсмирлар спорт мактаби ташкил этилган.

Болалар-ўсмирлар спорт мактабида махсус тренерлик рухсатномасига эга 83 нафар тренер фаолият олиб боради. Шундан, 26 нафари олий маълумотли, қолган 57 нафари эса ўрта-махсус жисмоний тарбия мутахассислари (24 нафари аёллар) саналишади. Спорт мактабида шуғулланувчилар сони 2862 нафар бўлиб, шулардан 730 нафарини қизлар ташкил этади. Болалар-ўсмирлар спорт мактабида 16 та спорт тури мавжуд бўлиб, шундан 13 таси Олимпия, биттаси миллий ва 2 таси бошқа спорт турларидир.

БЎСМнинг асосий базасида бир кунда 380 нафарга яқин ўқувчи мунтазам стол тенниси, гандбол, эркин кураш, кураш, бадиий гимнастика, шахмат, қўл жанги, енгил атлетика ҳамда футбол каби спорт турлари билан шуғулланади. Унда барча қулайликлар мавжуд бўлиб, ўқувчилар учун ювиниш, ечиниш ва кийиниш, ҳамширалар хонаси, мураббийлар хонаси, маъмурий бошқарув ходимлари хонаси, бадиий гимнастика хонаси, тренажёр хонаси мавжуд.

БЎСМнинг бугунги кунда 5 асосий базаси мавжуд. Шундан, ёпиқ сузиш ҳавзаси алоҳида ўрин тутади. Мазкур мажмуа 11х25 ҳажмда бўлиб, 2019 йилда реконструкция қилиниб, ёпиқ сузиш ҳавзасига айлантирилди. Унда барча қулайликлар мавжуд бўлиб, шуғулланувчилар учун ювиниш, ечиниш ва кийиниш, мураббийлар учун махсус хоналар, ҳамширалар хонаси мавжуд.

Ҳозирда сузиш ҳавзасида 3 нафар олий маълумотли тренер (1 нафари аёл) 74 нафар шуғулланувчига машғулот олиб бормоқда. Сузиш ҳавзасига келаётган шуғулланувчиларнинг саломатлигини назорат қилиш мақсадида доимий равишда 1 нафар ҳамшира масъул этиб тайинланган.

Сузиш ҳавзасида ўғил ва қизларга мўлжалланган барча қулайликларга эга ечиниш ва кийиниш, ювиниш, тренер-ўқитувчилар, тиббий ва лаборатория хоналари мавжуд. Сузиш ҳавзаси йил давомида узлуксиз ишлаши учун электр энергияси, табиий газ, марказлашган сув таъминоти ҳамда канализация билан таъминланган.