Хайме Мунгия WBA йўналишининг янги чемпиони

Биринчи ўрта вазн тоифасида собиқ чемпион, мексикалик 29 ёшли Хайме Мунгия иккинчи ўрта вазнда WBA йўналиши бўйича жаҳон чемпионлик унвони учун Хосе Армандо Ресендес (16-3, 11 КО)га қарши жанг ўтказди.

Ўн икки раунд тўлиқ давом этган жангда Мунгиа ҳакамларнинг якдил қарори билан (120-108; 119-109; 117-111) ғалаба қозонди ва WBA чемпионига айланди. Ресендес эса биринчи ҳимоя жангидаёқ чемпионлик камарини бой берди.

Маълумот учун, 29 ёшли Мунгия фаолиятидаги 46-ғалабасини қўлга киритди, ҳисобидаги мағлубиятлари иккиталигича қолди. 27 ёшли Ресендес учун эса бу учинчи мағлубият бўлди. Ҳисобида 16 та ғалаба (11 таси муддатидан олдин) бор. 

Эслатиб ўтамиз, оқшомнинг асосий жангида мағлубиятсиз одимлаётган Дэвид Бенавидес (32-0, 26 КО) учта вазн тоифасида чемпион бўлди. У суперўрта, ярим оғир ва биринчи оғир вазн тоифасида жаҳон чемпионлик унвонларини қўлга киритган биринчи жангчига айланди.