Хайме Мунгияга Ўзбекистонда жанг ўтказиш таклиф қилинди

Унинг айтишича, жанг қисқа муддатда, тўлиқ тайёргарликсиз, WADA тестисиз ва ҳатто гонорарсиз ўтказилишига ҳам рози бўлган. Шунга қарамай, Мунгия ҳозирча жанг қилишдан бош тортмоқда.

"Биз бу жанг амалга ошиши учун барча шартларга рози бўлдик. Мен қисқа муддатда, тўлиқ тайёргарликсиз, ҳатто WADA тестисиз ва гонорарсиз ҳам жанг қилишга тайёр эканимни айтдим. Шунга қарамай, Мунгия ҳали ҳам мен билан жанг қилишдан бош тортяпти", — дейди Бектемир.

Боксчи ўзини WBA мажбурий даъвогари эканини таъкидлаб, чемпион мажбурий жангни ўтказмаса, ташкилот томонидан нега чора кўрилмаётгани ҳақида савол қўйди.

Унинг сўзларига кўра, Мунгия жанг учун кўпроқ гонорар талаб қилаётгани ҳақида маълумот бор.

"Агар муаммо пулда бўлса — Ўзбекистонга кел. Жангни шу ерда ўтказамиз, керак бўлса сенга қўшимча пул ҳам берамиз", — дея ўз фикрини билдирган Мелиқўзиев.