28 май 10:08
Янгиликлар
Хирнни Жошуа - Фьюри жангини бузганликда айблашяпти
Промоутер Френк Уоррен оғир вазн тоифасида WBC чемпиони Тайсон Фьюри (30-0-1, 21 КО) ва WBА, IBF, WBО ҳамда IBО камарлари соҳиби Энтони Жошуа (24-1, 22 КО) ўртасидаги жангининг бузилиши тўғрисида ўз фикрлари билан ўртоқлашди.
Унинг фикрича, бу муаммолар учун Жошуанинг промоутери Эдди Хирн айбдор.
"Йил бошида жангда қатнашадиган барча томонлар - боксчилар, промоутерлар,менежерлар музокаралар қандай олиб борилиши тўғрисида шартнома имзолашди.
Ушбу шартномада Уайлдерда Тайсонга нисбатан арбитаж ҳолати борлигини аниқ кўрсатадиган банд бор эди. Буни ҳамма билар эди. Махфийлик тўғрисида яна бир банд бор эди: биз барча баёнотларни бирга берамиз. Орадан кўп вақт ўтмасдан Хирн ушбу шартни бузди. Ҳар ҳафта нимадир бор эди: эълонлар ва ҳакозо.
Хирн томонидан мунтазам равишда ошкор қилинган ушбу эълонларнинг барчаси кўплаб чалкашликларни келтириб чиқарди", - деди Уоррен Тhe Sun газетасига берган интервьюсида.
Фикрлар