31 июл 17:59
Янгиликлар

Хоккей

Хоккей бўйича Ўзбекистон терма жамоаси аъзоси Павел Синявскийнинг отаси автоҳалокатда вафот этди

Бу ҳақда Александр Малишев ўзининг Telegram каналида маълум қилди.

Пермьнинг "Молот" клуби ва Ўзбекистон терма жамоаси ҳужумчиси Павел Синявский оиласида даҳшатли фожеа юз берди. Пашанинг отаси Сергей автоҳалокатда вафот этди, онаси ва синглиси касалхонада.

Екатеринбурглик хоккейчи "Ҳумо" билан тўрт мавсум бирга бўлган. У апрель ойида Ўзбекистон терма жамоаси билан IV дивизионда Жаҳон чемпиони бўлганди.

Сизга куч-қувват тилайман, Паш. Хоккей дунёси сизнинг дардингизни баҳам кўради", деб ёзган "Ҳумо"нинг собиқ матбуот котиби Александр Малишев.

Ўзбекистон хоккей федерацияси ва Тошкентнинг "Ҳумо" хоккей клуби ҳам Павел Синявскийга ҳамдардлик билдирган.