01 апр 21:34
Янгиликлар

Хоккей. Гампр жаҳон чемпионатининг расмий маскоти бўлади
Ереван шаҳридаги мусобақанинг расмий тимсолини аниқлаш учун танлов кўпчиликда катта қизиқиш уйғотди.
Маскот танловининг эксперт ҳакамлар ҳайъати муаллиф Элла Аматуни ишини ёқлаб овоз берди. Элла Дубайда таҳсил олаётган талаба, танловда зафар қучганидан ўта мамнунлигини таъкидлаб, маскотни қандай яратганини батафсил сўзлаб берди.
Ўзининг кучи, чидамлилиги ва чаққонлиги билан машҳур бўлган қўриқчи ит зоти Арман Гампр яқинлашиб келаётган хоккей чемпионатининг рамзига айланди. Бу ҳақда ahl.life хабар берди.
“Арман Гампр – бу асрлар давомида Арманистоннинг тоғли ҳудудларида одамларни қўриқлаб келган ноёб ит зоти. Кучли ва катта танаси, қалин юнги ҳар қандай иқлим шароитида уни ҳимоя қилади. Содиқлиги чемпионлик учун мукаммал тимсолга айлантиради. Ишончим комилки, бу рамз рақобат руҳини мукаммал тарзда қамраб олади”, - деди Элла Аматуни.
Эслатиб ўтамиз, 13-19 апрель кунлари ўтадиган хоккей бўйича жаҳон чемпионати IV дивизионида олтита мамлакат: Арманистон, Ўзбекистон, Эрон, Қувайт, Малайзия ва Индонезия терма жамоалари иштирок этади.
Мирзаҳаким Тўхтамирзаев
Фикрлар