Хоккей. Ўсмирлар ўртасидаги Ўзбекистон Очиқ Чемпионати старт олмоқда

Мусобақа U10, U12 ва U14 ёш тоифаларидаги ўсмир жамоалари ўртасида ўтказилади. 

Ўйинлар мамлакатнинг бош муз саройи — Ҳумо Аренада, шунингдек, Самарқанд шаҳридаги "Family Park" муз майдонида бўлиб ўтади.

2025–2026-йилги мавсумда қуйидаги жамоалар музга тушади: Humo Wings (Тошкент), Humo Sky (Тошкент), "Снезжий Барс" (Тошкент), "Шердор" (Самарқанд), "Торнадо" (Чимкент), СДЮСШ БИНОКОР (Тошкент), Hockey Planet (Тошкент), Rakhimjan (Олмаота), Алма-Ата (Олмаота).

Ўтган мавсумда Ўзбекистон Республикаси Очиқ Чемпионати уч ёш тоифасида — U9, U12 ва U15 бўлиб ўтган эди. U9 кичик гуруҳида олтин медалларни Ҳумо-1 (Тошкент) жамоаси қўлга киритган. U12 тоифасида чемпионлик унвонига Ҳумо Академияси (Тошкент) сазовор бўлган. U15 катта ёш гуруҳида эса ғолибликни Туран (Чимкент) жамоаси қўлга киритган.

Чемпионат ёш хоккейчиларнинг спорт маҳоратини ривожлантиришга хизмат қилади. Бундай мусобақалар келажак авлоди шаклланиши учун пойдевор бўлиб, улар юртимиз шарафини халқаро майдонларда ҳимоя қиладиган спортчиларга айланишига ёрдам беради.

Мусобақа очилиши 26 сентябр куни бўлиб ўтади. U14 тоифасидаги илк учрашувда кичик Ҳумо Арена музида “Ҳумо Sky” (Тошкент) ва “Алма-Ата” (Алмата) жамоалари ўзаро баҳс олиб боради. Учрашув соат 14:40 да бошланади. ОАВ вакиллари, мухлислар ва барча хоккей ишқибозларини ёш спортчиларни қўллаб-қувватлашга ва янги хоккей мавсумининг стартига гувоҳ бўлишга таклиф қиламиз!