Хоккей. Қозоғистон чемпионатининг илк финалчиси номи маълум бўлди

Хоккей бўйича Қозоғистон Про-Лигасининг ярим финал босқичидан ўрин олган "Сариарка" ҳамда "Номад" жамоалари ўртасидаги ўйинлар серияси якунланди. Серияда 4:1 ҳисобида "Номад" жамоаси ғалаба қозонди ва илк финалчига айланди.

Ярим финалнинг бошқа жуфтлигида эса Ўзбекистоннинг "Ҳумо" жамоаси "Бейбарис"га қарши ўйнамоқда. Ҳозирча сериядаги ҳисоб 3:1, "қанотлилар" фойдасига. Бугун сериядаги бешинчи ўйин доирасида "Ҳумо" Тошкентда "Бейбарис"ни қабул қилади. Эҳтимолий сўнгги учрашув 17:00 да старт олади.