Хоккейга кириб келиши, Ўзбекистон ва «Ҳумо» ҳақида. Жамоа сардори Александр Щербина билан қизиқарли интервью

Ўзбекистонга ўттиз йиллик танаффусдан сўнг хоккей қайтиб келди. Ўзбекистон хоккейни ривожлантириш мақсадида 12500 мухлисга мўлжалланган “Ҳумо” арена қад кўтарди. Арена тўлиқ жаҳон стандартларига жавоб беради. Жамоанинг ўзи эса 2019 йилда ташкил этилган. “Ҳумо”нинг мақсади КХЛга йўл олиш. Жамоанинг ўзаги ВХЛ ва КХЛда ўйнаган номдор ўйинчилардан иборат. 

Жамоа сардори Александр Щербина. 31 ёшли хоккейчи Россиянинг шимолий пойтахти Санкт-Петербургда туғилган. У хоккей билан жуда ёш вақтидан шуғулланишни бошлаган. Профессионал фаолиятини Олий лига жамоаси “Спартак”да 2006 йилда бошлаган. КХЛда анча тажрибага эга бўлган Щербина сўнгги мавсумини “Ска-Нева” жамоасида ўтказган.

Хоккейда сиз учун энг муҳими нима?

Хоккейдаги асосий мақсадим — ғалабалар. Айнан шу учун қаттиқ машғулот олиб борамиз.

Сиз учун ғалаба биринчи. Иштирокчи?

Ха, албатта. Иштирок? мен учун ёшлигимда бу биринчи рақамли мақсадим бўлган, лекин энди мен ёш эмасман. Профессионал спортчиман, ғалаба бўлсагина, натижа бўлади.

Агар ҳаётингизни тақсимлаш имкони бўлса, сиз неча фоизини хоккейга берган бўлардингиз?

Қийин савол... Лекин умримни ярмидан зиёдини берсам керак. Менимча, умримнинг 70 фоизни хоккейга бағишлаган бўлардим. Жамоамдаги жамоадошларимни оила аъзоларимдан кўра кўпроқ кўраман.

Сиз хоккей билан ёшлигингиздан шуғулланасиз. Хоккей сизга қандай хислатларни берди?

Меҳнатсеварлик. Ҳар қандай спорт дастлаб сизга меҳнатсеварликни ўргатади.

Хоккей — қийин спорт тури. Бу сизга ҳаётингиз давомида халақт бермайдими?

Ҳақиқатдан ҳам биз музда ва ҳаётда бошқа бошқа инсон бўламиз. Лекин сиз музга тушганингиздан сўнг, қийин ёки оғир бўлишини ўйламайсиз. Музда умуман бошқача ҳис туйғу бўлади. Аммо сиз жуда қўпол спорт тури билан шуғуллансангиз, ҳаётда ҳам шунақа бўласиз дегани эмас.

Сизда ғалаба учун қандайдир алоҳида тактика бўладими?

Биз ҳеч қачон битта тактикани икки марта ишлатмаймиз. Ҳар бир рақиб учун алоҳида тактика тайёрлаймиз.

Кун тартибингиз қандай? Тўғри овқатланишга эътибор берасизми?

Хоккейчида тўғри овқатланиш деган тушунча бўлмайди. Ҳар бир учрашувдан сўнг каллорияси юқори бўлган таом еймиз. Кун тартиби эса бор. Дастлаб нонушта, кейин машғулот. Хоккейчи учун энг муҳими: Учрашув куни тушликдан сўнг дам олиш вақти бўлиши керак. Шунда спортчи тетик бўлади. Кечқурун эса кечки овқат ва дам олиш.

“Хумо” билан шартнома имзолашингиздан аввал Ўзбекистонда бўлганмисиз?

Йўқ, бу ерда биринчи марта бўлишим. Очиғини айтганда, бу ерга келишимдан аввал хавотир бор эди. Чунки Ўзбекистон ҳақида ҳеч қандай маълумотим йўқ эди. Лекин ташрифимнинг биринчи кунидаёқ Ўзбекистон қандай ажойиб мамлакат эканлигига амин бўлдим. Мамлакат ажойиб, об-ҳаво яхши, шаҳарлар тоза. Қисқаси, менга мамлакат ёқди.Ўзбекистонга ўттиз йиллик танаффусдан сўнг хоккей қайтиб келди. Ўзбекистон хоккейни ривожлантириш мақсадида 12500 мухлисга мўлжалланган “Хумо” арена қад кўтарди. Арена тўлиқ жаҳон стандартларига жавоб беради. Жамоанинг ўзи эса 2019 йилда ташкил этилган. “Хумо”нинг мақсади КХЛга йўл олиш. Жамоанинг ўзаги ВХЛ ва КХЛда ўйнаган номдор ўйинчилардан иборат. Жамоа сардори Александр Щербина. 31 ёшли хоккейчи Россиянинг шимолий пойтахти Санкт-Петербургда туғилган. У хоккей билан жуда ёш вақтидан шуғулланишни бошлаган. Профессионал фаолиятини Олий лига жамоаси “Спартак”да 2006 йилда бошлаган. КХЛда анча тажрибага эга бўлган Щербина сўнгги мавсумини “Ска-Нева” жамоасида ўтказган.