Холанд: "Роналду ва Месси қилган ишларни унутмайлик"

"France Football" норвегияликнинг сўзларидан иқтибос келтирди.

"Мбаппе билан қарама-қаршилик? Ҳамма шундай дейди, лекин Месси ва Криштиану бажарган ишларни унутмаслик лозим. Шунингдек, улар бу ишни ҳали ҳам давом эттирмоқда. Улар ҳозир ҳам фантастик ўйинчи ҳисобланади. Бироқ мен ҳеч қачон қайсидир футболчига қарши ҳаракат қилмайман, бу менинг услубим эмас. Мен ўзимга эътибор беришни маъқул кўраман, кундан-кунга кучлироқ бўлишга уринаман. Шу билан бирга мен қилаётган ишимдан завқ олишни, ўзимнинг энг яхши ҳолатимни сақлаб қолишни истайман".