Холмирзаевда муддатидан олдин, Ортиқов эса марказий жангда ғалаба қозонди. One Friday Fights 107 турнири ҳар икки муай-тайчимиз учун омадли кечди

Мусобақанинг марказий беллашувида ўзбекистонлик муай-тай устаси Асламжон Ортиқов мезбон юрт вакили Деддуанглек Вангхонгомга қарши жанг қилди. Тўлиқ давом этган баҳсда Асламжон яққол устунлик қилди ва бу натижада ҳам акс этди. Ортиқов ҳакамларнинг якдил қарори билан жангда ғалаба қозониб, фаолиятидаги 21-жангида 21-ғалабасини нишонлади.

Турнирда яна бир ҳамюртимиз Авазбек Холмирзаев ҳам ўз жангини ўтказди. Бразилия вакили Робсон де Оливейрага қарши кечган баҳсда Авазбек иккинчи раундда техник нокаут орқали зафар қучди. Энди Холмирзаев ҳисобида 12 та ғалаба ва 2 та мағлубият мавжуд.