25 сен 11:22
Янгиликлар

Бокс/ММА

Холмурод Нурматов кейинги жангини Дубайда тажрибали рақибга қарши ўтказади (ФОТО)

23 октябрь куни Бирлашган Араб Амирликларининг Дубай шаҳрида аралаш яккакураш бўйича ACA 194 турнири ташкил этилади.

Аҳамиятлиси, мусобақа доирасида ўзбекистонлик таниқли ММА жангчиси Холмурод Нурматов ҳам октагонга кўтарилади. 31 ёшли ҳамюртимиз россиялик Умалат Исраилов билан тўқнаш келади.

Маълумот учун, Нурматов айни дамда ўта енгил вазн тоифаси ACA рейтингида 12-ўринни эгаллаб турибди. У фаолияти давомида 24 та жангда 15 ғалаба, 8 мағлубият ва 1 та дуранг қайд этган. Рейтингнинг 13-поғонасидаги 26 яшар Исраилов ҳисобида эса 17 ғалаба ва 5 мағлубият бор.

Аввалроқ, ўзбекистонлик собиқ UFC жангчиси Саидёқуб Қаҳрамонов ҳам 23 октябрь куни Дубайда жанг қилишига ишора берганди.