ХОҚ энди Олимпиадада бокс баҳсларини ўзи ташкил этмайди

Бу ҳақида ташкилотнинг коммуникациялар бўйича директори Марк Адамс маълумот берди. 

Бунгача (Токио ва Парижда), IBA Олимпиадада бокс ташкилотчилигидан четлатилган ва баҳслар ХОҚнинг махсус ташкил этган жамоаси томонидан ўтказилаётганди. 

"ХОҚ доим адолат борасида баланс топишга ҳаракат қилади. Ва бу қийин вазифа. Биз бунга эътибор қаратишимиз керак. Шунинг учун, 2028 йилги Олимпиадада бу спорт нафақат томошабоп бўлади, балки барча қатламнинг истакларини инобатга олади. 

Биз халқаро федерация эмасмиз, шунинг учун Олимпия ўйинларида бокс бўйича баҳсларни ташкил этмаймиз. Умид қиламанки, келажакда бундай ташкилот пайдо бўлади", - деди Адамс.