Хоразмда сара мерганлар сараланди + ФОТО

Мазкур мусобақада воҳанинг 17 та жамоасидан 70 нафарга яқин ўғил-қиз мерганлик маҳоратини намойиш этди. 

Якуний сарҳисобларга кўра, қуйидагилар шоҳсупадан ўрин олишди:

Пневматик милтиқдан ўқ отиш биринчилиги

Қизлар. 1-ўрин. Севара Абдуллаева (Шовот тумани ЎСТК). 2-ўрин. Нидуфар Юлдашева (Боғот тумани ЎСТК). 3-ўрин. Кумушой Ражабова (Урганч тумани ЎСТК).

Ўғиллар. 1-ўрин. Диёрбек Очилов (ВТАСТМ). 2-ўрин. Шаҳзод Сапарбоев (Қўшкўпир тумани ЎСТК). 3-ўрин. Темурбек Абдуллаев (Урганч тумани ЎСТК).

Пневматик тўппончадан ўқ отиш биринчилиги

Қизлар: 1-ўрин. Рисолат Қурбонова (Урганч тумани ЎСТК). 2-ўрин. Шукуржон Адамбоева (Шовот тумани ЎСТК). 3-ўрин. Лайло Султонова (Боғот тумани ЎСТК)

Ўғиллар: 1-ўрин. Шоҳруҳ Юсуфбоев (Урганч тумани ЎСТК). 2-ўрин. Холбек Аллаяров (Хива тумани ЎСТК). 3-ўрин. Бекзод Комилов (Шовот тумани ЎСТК)

Умумжамоа ҳисобида Урганч тумани ўқув спорт техника клуб жамоаси шоҳсупанинг биринчи поғонасига кўтарилди. Шовот тумани  ўқув спорт техника клуби иккинчи, Боғот тумани ўқув спорт техника клубининг ёш мерганлари учинчи ўринни банд этишди.

Мусобақанинг ёпилиш маросимида Ўзбекистон Республикаси мудофаасига кўмаклашувчи “Ватанпарвар” ташкилоти Хоразм вилояти кенгаши раиси Давронбек Ибрагимов, вилоят техник ва амалий спорт турлари маркази директори Одилбек Ибрагимовлар қатнашиб, ғолиб ва совриндор спортчиларни эришган ютуқлари билан қутлашди. Уларни тегишли даражадаги диплом ва совғалар билан тақдирлашди.

Мазкур мусобақа доирасида пневматик тўппонча ва милтиқлар, спорт велосипедлари ва мотоцикллар, картинг ва парашют спорти анжомлари кўргазмаси ҳам ташкил этилди. Ўз навбатида ушбу кўргазмадан яқин атрофдаги таълим муассасалари ўқувчилари, спортнинг техник ва амалий турларига қизиқувчан кўплаб ёшлар баҳраманд бўлишди, соҳа мутахассисларидан керакли маълумотлар олишди. 

Икром ХУДОЙБЕРГАНОВ, Урганч шаҳридан