Хорхе Масвидал қайтмоқда!

Энг тезкор нокаут соҳиби бўлган аралаш яккакураш устаси октагонга қайтиб, фаолиятини тиклаш ҳақида ўйлаб қолди. Бу ҳақда собиқ кўча жангчисининг ўзи ижтимоий тармоқдаги саҳифасида мухлисларига айтган. 

"Нафақага тамомила чиқилмаган", - дея гапирган Масвидал.

Эслатиб ўтамиз, 2019 йилнинг июль ойида Хорхе Масвидал UFC тарихидаги энг тезкор нокаут соҳибига айланганди. Ўшанда у жангнинг бешинчи сониясидаёқ Бен Аскренни тизза зарбаси билан чуқур нокаутга учратган эди. Шундан сўнг у Нейт Диасни ҳам мағлубиятга учратиб, BMF камарини қўлга киритганди. Кейин эса кетма-кет 4 та мағлубиятни қабул қилиб олди. Мағлубиятларнинг иккитаси Камару Усманга қарши кечган жангларга тўғри келади.

Ўтган йилнинг апрель ойида Гилберт Бернсга ютқазган 39 ёшли Хорхе Масвидал профессионал фаолиятини якунлаганини эълон қилганди. Икки ой олдин Хорхе Колби Ковингтонга ҳужум қилгани учун қамоқ жазосидан қутулиб қолган эди.