08 июл 15:56
Янгиликлар

Бокс/ММА

Хорхе Масвидаль: "Холлоуэйнинг ғалабасига уйимни тикаман"

Ярим ўрта вазнда UFC чемпионлик камари учун собиқ даъвогар Хорхе Масвидаль шу якшанба тонгида Конор Макгрегор билан жанг қиладиган Макс Холлоуэйнинг октагондан ғалаба билан чиқиб кетишига шубҳа қилмаяпти.

"Мен уйимни Макс Холлоуэйнинг ғалабасига тикаман. Ўйлайманки, Макс бу жангни рақобатсиз ютади - бу футбол тилида айтганда бир дарвозага ўйин бўлади. Жанг бошланганидан тахминан бир-икки дақиқа ўтгач, у ташаббусни тўлиқ ўз қўлига олади ва октагонда ҳукмронлик қилади", - деди собиқ кўча жангчиси UFC on Paramount телеканалига берган интервьюсида.

Аввалроқ ярим ўрта вазн тоифасидаги собиқ чемпион Белал Муҳаммад ҳам худди шундай башорат қилганди. Оғир вазнда амалдаги UFC чемпиони Том Аспиналл эса, аксинча, Макгрегор биринчи раунддаёқ нокаут эвазига ғалаба қозонади деб айтганди.

Эслатиб ўтамиз, ярим ўрта вазн тоифасида америкалик ва ирландиялик ўртасидаги жанг 11 июль куни Лас-Вегасда ўтказиладиган UFC 329 турнирининг асосий воқеаси мақомига эга бўлади.