12 авг 15:42
Янгиликлар
Бокс/ММА
Хотамбек Бойназаровнинг навбатдаги рақиби ва жанг санаси маълум бўлди, у Фурқатбек Ёқубов билан бир кардда жанг қилади
Ярим ўрта вазн тоифасида ўзбекитонлик ММА жангчиси Хотамбек Бойназаровнинг (6-0) навбатдаги жанги тафсилотлари аниқ бўлди.
Унга кўра, ҳамюртимиз 26 август куни Бирлашган Араб Амирликларининг Абу-Даби шаҳрида ташкил этиладиган UAE Warriors 44 мусобақасида октагонга кўтарилади. Бойназаровга ўша куни Франция вакили Микаил Байрам (6-2-0) рақиблик қилади.
Мазкур мусобақада, шунингдек, яна бир ўзбекистонлик жангчи - Фурқатбек Ёқубов ҳам октагонга кўтарилади.
Бойназаров бу жангга БААда, ўзбекистонлик таниқли мураббий Ҳусан Мажлимов қўлида тайёргарлик олиб борди.
Эслатиб ўтамиз, Хотамбек Бойназаров сўнгги жангини март ойида ташкил этилган Octagon 42 турнирида озарбайжонлик Турал Фейзалиевга қарши ўтказиб, ғалаба қозонган эди. Микаил Байрам эса охирги жангини февраль ойида Даниэль Колашинскига қарши ўтказиб, зафар қучган эди.
Ҳавола :
Манба : olamsport.com
Фикрлар