Хуммельс Германия термасининг Евро-2024 учун қайдномасига киритилмаганига муносабат билдирди

"Таркиб март ойидан буён шакллантирилгани ва футболчилар ўзаро ўйинни йўлга қўйишганини тушунаман. Лекин бироз аламли, чунки айни дамда мен Германиянинг энг кучли беш нафар ҳимоячисидан бириман. Агарда март ойида мавсум охиридаги спорт формамда бўлганимда, ўша вақтдаги йиғинга ҳам, Европа чемпионати учун таркибга ҳам киритилган бўлардим, менимча.

Мен Нагельсманнга захирада ўтиришга ва бешинчи марказий ҳимоячи бўлишга розилигимни айтдим. У менинг позициямни яхши биларди. У буларни билишини ўзим истагандим. Лекин уни тўғри тушунган бўлсам, мен захира футболчиси бўлишни қабул қилганимдан ташқари яна бошқа масалалар ҳам бор экан. Гап кўпроқ ёш, жисмоний ҳолат ҳақида кетмоқда".