Хуршидбек Норматов Канадада 10-жангини ўтказди

Норматов Канаданинг Торонто шаҳрида ўтказилаётган бокс оқшомида рингга кўтарилди. Ҳамюртимизнинг рақиби мексикалик Уриэль Эрнандес бўлди. Ушбу жанг ҳозиргина ўз якунига етди. 

Саккиз раунд тўлиқ давом этган қийин ва мураккаб жангда Хуршидбек Норматов рақибини 80:71, 80:71, 80:71 ҳисобларида мағлубиятга учратди. Жангни рефери Флойд Портер бошқарди. Бу чарм қўлқоп устамизнинг 10-жангидаги 10-ғалабаси бўлди.   

Маълумот учун, Норматов рақибларини учта жангда нокаутга учратган. Эрнандес эса бугун 19-жангини ўтказди. Ҳисобида 13та ғалаба бор (7 та нокаут). Бугун у олтинчи мағлубиятини қабул қилиб олди.