16 авг 19:16
Янгиликлар

Осиё ўйинлари

Хушхабар. “Sport” телеканали Осиё ўйинларини намойиш этади!

Юртимиздаги спортга ихтисослашган ягона - “Sport” телеканали Индонезиянинг Жакарта ва Палембанг шаҳарларида бўлиб ўтаётган Осиё ўйинларини жонли равишда эфирга узатади.

Бугун телеканал расмийлари ўтказилган музокаралардан сўнг ушбу имкониятни қўлга киритишди. Келишувнинг илк натижаси сифатида айни дақиқаларда футбол бўйича Ўзбекистон ва Қатар терма жамоалари ўртасидаги ўйин тўғридан-тўғри намойиш этилди.

Шунингдек, ўйинлар параллел тўғри келиб қолган ҳолатда МТРКнинг UZ HD каналида ҳам футбол трансляцияси эфирга узатилади. Олдинда кўпчилик интиқлик ила кутаётган бокс, оғир атлетика, спорт курашлари, дзюдо каби спорт турлари ҳам борки, уларни ҳам “Sport” телеканали жонли эфирда эътиборингизга ҳавла қилади.

Шундай экан, “Sport”дан узоқлашманг. Иккинчи сентябргача катта спорт байрамини “Sport” телеканалида кузатиб боринг.