Ямайкалик енгил атлетикачилар оммавий равишда Туркия сафига ўтишяпти

Туркия ямайкалик спортчиларга ажойиб шароитларни ваъда қилмоқда: шартнома имзолашнинг ўзига 500 минг доллар, йирик мусобақаларда медаллар учун олтита рақамдан иборат мукофот пуллари ва доимий йирик маошлар.

ОАВнинг хабар беришича, Олимпия чемпиони Рожер Стона (диск улоқтириш) ва Олимпиада бронза медали совриндори Ражиндра Кэмпбелл (ядро улоқтириш) аллақачон Туркия фуқаролигини олган.

Париж-2024 кумуш медали соҳиби Уэйн Пиннок (узунликка сакраш) ва ўсмирлар ўртасидаги Жаҳон рекордчиси Жейдон Хибберт (уч ҳатлаб сакраш) ҳам Туркия сафига ўтиш арафасида.

Ямайка фуқаролигидан воз кечган спортчилар Жаҳон доирасидаги мусобақаларида ҳозирча Туркия шарафини ҳимоя қила олмайди. 2028 йилги Олимпиада бошланишидан олдин Туркия бу бўйича келишувга эриша оладими ёки йўқ, ҳозирча номаълум.