Яна бир боксчимиз проф фаолиятини бошлаш арафасида, унга Шоҳжаҳон ёрдам беради

Ҳаваскор боксда айтишга арзигулик ютуқларни қўлга киритган Бобурбек Йўлдошев тез орада проф рингда дебют қилади. Бу ҳақда унга менежерлик қилиши кутилаётган боксчимиз Шоҳжаҳон Эргашев хабар берди. Жанг катта эҳтимол билан февраль ойининг охирларида Россиянинг Санкт-Петербург шаҳрида бўлиб ўтади. Шоҳжаҳон бўлажак жангда Йўлдошевга секундантлик қилади. 

Маълумот учун, 30 январь куни 29 ёшни қаршилайдиган Бобурбек Йўлдошев ёшлар ва катталар ўртасида Ўзбекистон чемпиони ҳисобланади. У шунингдек, юртимизда анъанавий тарзда ўтказиб келинадиган Сидней Жаксон, Золатарёв каби халқаро турнирларда ҳам шохсупанинг энг юқори поғонасига кўтарилган. 2012 йилда Озарбайжоннинг Боку шаҳрида ўтган Президенти турнирда кумуш медалга сазовор бўлган.