26 июн 19:22
Янгиликлар

Бокс/ММА

Яна бир жангчимиз UFC'га қўшиладими?

Энг енгил вазн тоифасида ўзбекистонлик ММА жангчиси Фирдавс Ҳасанов (9-4) UFC Perfomance Institute ҳудудида UFC президенти Дана Уайт билан учрашди.

Ҳасанов бир неча кун олдин АҚШда навбатдаги жангини ўтказган эди. Clip Combat лигасида Крис Жонсонга қарши кечган жангда ғалаба қозонган Ҳасанов UFC президенти Дана Уайт билан учрашди.

Аввалроқ, дунёнинг таниқли менежери Али Абдель-Азиз ҳам Фирдавснинг ғалабали жангидан суратларни ўз саҳифаларида эълон қилган эди. Ҳасановнинг дўсти бўлмиш Нурсултон Рўзибоев эса бир неча кун олдин UFC билан шартнома имзолаганидан хабарингиз бор. Рўзибоев дебют жангини 2 июль тонгида бразилиялик Бруно Феррейрага қарши ўтказади.

Маълумот учун, Нурсултон Рўзибоев ҳам Али Абдель-Азизнинг мижози ҳисобланади.