06 июн 08:02
Янгиликлар

Бокс/ММА

Яна бир россиялик чемпион бўлишга жиддий бел боғлаган кўринади

Россиялик UFC жангчиси Мовсар Евлоев куни кеча америкалик Дэн Иге устидан ғалаба қозонганди.

Ушбу жанг UFC Vegas 56 турниридан ўрин олган эди. Уч раунд этиб белгиланган жанг тўлиқ давом этган ва якунда Евлоев ҳакамлар қарорига кўра ғолиб деб топилганди — 30:27, 30:27, 30:26.

Россиялик ўз ғалабасидан сўнг: "Чемпион бўламан, Инша Аллоҳ!", - дея Твиттер саҳифасида хабар қолдирганди.

Евлоев учун бу профессионал фаолиятидаги 16-жангда қўлга киритилган 16-ғалаба бўлди. UFC'да эса кетма-кет 6-жангида зафар қучди. Кўпчилик ММА оламидагилар россияликлар орасида Петр Ян, қолаверса Хабибнинг "вориси" бўлмиш Ислам Махачевни UFC чемпионлигига асосий даъвогарлар деб ҳисоблашади. Энди улар сафига Евлоев ҳам қўшилди.