09 июн 08:48
Янгиликлар

Бокс/ММА

Яна ўша мавзу. Фьюри нафақага чиққанини яна бир бор эслатиб қўйди

Оғир вазнда WBC камари соҳиби Тайсон Фьюри промоутери Боб Арумнинг у ҳақида айтган гапларига изоҳ берди.

Боб Арум Тайсоннинг фаолиятини якунлаш бўйича якуний қарорини Александр Усик ва Энтони Жошуа ўртасидаги реванш жангидан сўнг эълон қилишини айтган эди.

"Фаолиятимни қайта давом эттришим кераклигини ўқиб қолдим. Бу мен учун янгилик. Мен нафақада қоламан", - деди Фьюри.

Эслатиб ўтиш жоиз, Тайсон Фьюри фаолиятини якунлаш қарорини апрель ойида, аниқроғи Диллиан Уайт устидан ғалаба қозонганидан сўнг эълон қилган эди.

Аввалроқ, Усик — Жошуа реванш жанги кечиктирилиши мумкинлиги ҳамда жангнинг янги эҳтимолий санаси ҳақида хабар бергандик.