“Янги Ўзбекистон Олимпия чўққилари”: Беш ҳудудда баҳслар ташкил этилди

Кеча юртимизнинг беш ҳудудида уч спорт турида мусобақалар бўлиб ўтди. Тошкент шаҳри ва Фарғона вилоятларида спорт курашлари бўйича кучлилар аниқланди. Хоразм ва Наманган вилоятларида эса ёш бадиий гимнастика усталари ўз маҳоратларини намойиш этишди. 

Шунингдек, Тошкент вилоятида бокс бўйича ярим финал жанглари ўтказилиб, Президент Олимпиадаси йўлланмаси учун рингга кўтариладиган спортчилар маълум бўлди.